Sa tulong ni Andrew ay nakita nila Ysay ang isa pang painting ng kanyang inang si Rosario. Ipinakita ni Ysay ito kay tsang Trinidad. Pagkakita ni Trinidad dito ay nagbalik ang isang alaala,ngunit hindi niya ito binaggit kay Ysay.

Sa halip na matuwa ay nasaktan pa si Mito nang makita si Ysay na nakabawi na mula sa kanilang failed relationship.

Bumalik na si Alex mula sa Maynila, at inilabas niya ang kanyang hinanakit nang tanggalin siya sa banda. Agad naman siyang dinamayan nila tsang at Ysay. Kilala pala ni Albert ang manager na nagpatanggal kay Alex. Para kay Albert ay hindi maganda na nasa Maynila si Alex dahil baka may makausap si Alex na maaaring makapagbuko ng kanyang pagpapanggap.

Pero naawa naman si Albert kay Alex kaya sa pamamagitan ng isang kakilalang nangangailangan ng gitarista ay ipapasok niya si Alex. Natuwa naman si Alex sa balitang iyon. Nagpasalamat din si Ysay kay Andrew (Albert) sa pagtulong nito kay Alex.

Nang malaman ni Victoria na si Fernando (Juan Rodrigo) ang magiging photographer para sa isang project ng kanilang kompanya ay pumunta ito isang araw sa kanilang opisina. Pagkakita ni Victoria kay Fernando ay galit na pinaghahampas niya ito. Si Fernando ang naging dahilan ng pagkamatay (indirect) ng kanyang asawa. Humihingi naman ng dispensa si Fernando ngunit hindi ito tinaggap ni Victoria at pilit siyang pinapalabas ng building.

Nalaman ng ina ni Victoria ang nangyari kaya dinalaw niya ito sa tulong ni Lima. Ayaw naman siyang makita ni Victoria kaya siya ay pinapaalis. Si Andrew ang gustong makita ni Victoria. Pilit namang sinasabi ng kanyang ina na patay na si Andrew. Kaya daw nagpakamatay si Andrew ay dahil para makalaya na kay Victoria dahil mahirap daw siyang mahalin. At kung matapang daw si Victoria, ay puntahan niya si Andrew kung nasaan man ito ngayon dahil alam naman niya kung nasaan ito. Ngunit pilit na isinisisi ni Victoria kay Ysay ang pagkamatay ni Andrew.

Nabanggit ni Emma kay Rose ang mga nakita nitong closeness ni Andrew at Gillian nung sila ay pumunta ng Baguio. Ayaw naman maniwala ni Rose, ngunit nang makita niya ang picture ni Gillian at Andrew sa kwarto ng binata ay nagduda ito.

Dahil sa pambubugbog na ginawa ni Andrew sa loob ng campus ay walang choice ang dean kungdi ang ibagsak si Andrew, lalo pa at alam nito na may mga subjects itong mababa ang marka.

Pilit kinakausap ni Gillian si Andrew tungkol sa bagay na ito ngunit dahil siguro sa daming iniisip ni Andrew ay nakulitan siya kay Gillian at nasigawan niya ito. Nagtampo naman ang dalaga. Pag-uwi naman ay nagsisi si Andrew at sinabing nabigla lang siya. Ngunit hindi siya pinansin ng dalaga. Inaabangan pala sila ni Rose sa may labas. Pagkaalis ni Gillian ay kinausap ni Rose si Andrew at tinatanong kung si Gillian nga ang rason kung bakit bumababa ang grades niya. Agad naman ipinagtanggol ni Andrew si Gillian at sinabing labas si Gillian sa mga nangyayari sa kanya sa school.

Kinabukasan ay planong kausapin ni Gillian ang kanilang dean. Nagulat ito nang makita si Mark. Doon na rin mageenrol si Mark. Nagyakapan ang dalawa ng mahigpit. Kasama ni Mark si Trish na mageenrol kaya naman ng makita ni Trish ang yakapan ng dalawa ay malakas ang boses na tinawag nito si Mark. Nanghingi naman ng paumanhin si Gillian kay Trish.

Dahil gustong humingi ng tawad ay hinanap ni Andrew si Gillian. Pinuntahan niya ito sa bahay nila ngunit sinabi ng isa nilang katiwala na pumunta ito ng eskwelahan. Nang makita niya si Gillian ay pinagalitan pa niya ang dalaga. Nagalit din si Gillian kay Andrew sabay layas. Bago pa man mahabol ni Andrew si Gillian ay tinawag siya ng secretary ng dean. Dito ay muling pinagbigyan si Andrew ng dean sa pakiusap na rin ni Gillian.

Pag-uwi ng bahay ni Gillian ay si Rose kaagad ang bumungad sa kanya. Tinanong niya kung siya ang dahilan ng kung bakit nambugbog si Andrew sa eswelahan, na hindi naman itinanggi ng dalawa. Pinagbawalan ni Rose ang dalaga tungkol sa namamagitan sa kanila ni Andrew.

Isang sulat mula kay Lino (Jason Abalos) ang natanggap ni Lima.

Hindi tayo magkakilala…
pero sana mapangiti naman kita sa liham kong ito…

sayang ang ganda ng mga mata mo…
kung panaghoy lang ang lalamanin nito…
hindi ko man alam kung ano ang nagpapahikbi ng labi mo
di ko man batid ang dumudurog sa puso mo
pero alam kong may naghihintay sa loob mo
ng isang makakaramay
ng isang makakahawak kamay
papalayo man ako sayo ngayon
ibubulong ko sa hangin na dalhin ang palad ko sa iyo
para kahit sa pag-ihip nito…
maramdaman mong ako’y nasa tabi mo…

Mukhang kilala ni Victoria ang bagong photographer ni Lima. Nagulat si Victoria nang marinig ang pangalang Fernando Montalban.

Samantala after ang matagal na paghahanap ay nakita na sa wakas ni Mito si Ysay. Ngunit nalungkot siya nang makitang may kasama ito.

Gulat na gulat si Gillian sa ginawang paghalik ni Andrew sa kanya. Si Andrew man ay nagulat, kaya nanghingi ito ng paumamhin kay Gillian at saka umalis.

Sa labas naman ay nagkita sina Mark at Andrew. Dito ay tinanong ni Mark kung bakit hinahalikan niya si Gillian, at kung sila na ba. Sagot naman ni Andrew ay sila naman daw ni Trish, na itinanggi ni Mark. Si Andrew naman, sinabi kay Mark na sila na nga ni Gillian, kahit hindi naman. Dito na naghiwalay ng landas ang dalawang magkaibigan.

Dalawang taon ang mabilis na lumipas at nagkaroon na ng magkahiwalay na buhay sina Mark at Andrew. Si Andrew naiwan sa Maynila, kasama si Gillian na pumapasok sa iisang eskwelahan. Dahil sa nangyaring halikan ay nagkatuluyan ang dalawa.

Si Mark naman ay pumunta ng Baguio at doon nagpatuloy ng pagaaral. Ngunit kahit na ilang taon na ang lumipas ay hindi pa rin nito natutunang mahalin si Trish.

Pagkagraduate nila Mark at Trish ay nagpasya ang dalaga na lumuwas na lang ng Maynila. Ayaw na raw niyang maghintay pa kay Mark. Magsisimula na lang siyang muli sa Maynila.

Nagpacheck-up naman si Patria at lumabas sa resulta na mayroon siyang lupus at kailangan i-dialysis o kaya ay palitan ng kidney. Problemado si Bernardo dahil malaki ang gagastusin.

Kaya naman kapit sa patalim si Bernardo, kahit na magnakaw ay gagawin nito makalikom lang ng malaking halaga. Ngunit sadyang mailap ang swerte kay Bernardo dahil lagi na lang siyang nabubugbog sa mga ginagawa niyang kalokohan.

Isang araw ay naisipan nitong magbakasakali kina Mike, ngunit pinagtabuyan siya ni Mike dahil akala ay manggugulo lang ito.

Pag-alis ni Mike ay siya namang paglabas din ni Andrew. Nanghingi din si Bernardo ng tulong dito, ngunit gaya ng ginawa ni Mike ay hindi nito pinansin si Bernardo at pinagsungitan pa. Dahil sa nainsulto ay sinapak ni Bernardo si Andrew at nag-away ang dalawa. Binantaan ni Andrew si Bernardo na isusumbong sa pulis, ngunit biglang inamin ni Bernardo ang matagal na nilang lihim – sinabi nito na ina ni Andrew si Patria.

Dahil sa sinabi ni Andrew (Albert) ay hindi nakapagpigil si na magsentimyento. Muling ibinalik ang mga issue tungkol sa ina nitong si Victoria, ang mga utang na loob nila sa kanya noong sila ay nangangailangan, pati na ang dapat sanang pag-alis ni Ysay abroad. Ang alam ni Albert ay pinagbigyan si Ysay ng 2 months para mag-stay, pero ang totoo ay hindi na siya aalis pa. Dahil sa mga narinig ay natauhan si Albert. Kaya naman nag-iba ang ihip ng hangin at niyaya niya muli ang mag-anak sa farm.

Sa pag-empake nila Ysay ay hindi napigilan ni Albert ang ibulalas na “Kaya ka pala minahal ni Andrew” (not the exact words). Hindi naman masyadong narinig ni Ysay ang sinabing iyon ni Albert, kaya pinaulit niya ito, ngunit hindi na inulit pa siyempre ni Albert.

Medyo nagpapakiramdaman sina Gillian, Andrew, Mark at Trish pagdating ng dalawa mula Maynila upang ibigay ang mga papeles na kailangan ng mommy ni Mark. Pagdating ng mommy ni Mark ay ipinapanuod sa kanila ang video ng commercial nila Trish at Mark. Nang oras na ng pagtulog ay pinagtabi ni Emma ang dalawang boys, si Trish sa Guest room at si Gillian naman ay sa may living room pinatulog.

Bago matulog ay naglinis muna ng mga kalat si Gillian at nagtapon sa labas. Sa labas ay nagkausap sina Emma at Gillian, at sinabi ni Emma na may relasyon na sina Mark at Trish. Medyo hindi nagustuhan ni Gillian ang narinig kaya nagpaalam na ito na papasok na ng bahay.

Nang lumalim na ang gabi ay bumaba si Andrew upang tabihan si Gillian. Nagdahilan na lang si Andrew nang magising si Gillian na malakas maghilik si Mark, at saka para daw may kasama siya kaya siya bumaba. Nang makatulog na ang dalawa, nakita sila ni Mark at lihim na nagselos.

Nang umuwi na ang dalawa kinabukasan ay nasiraan sila sa daan. Habang inaayos ang sasakyan ng driver ay nagusap naman sina Gillian at Andrew. Tinanong ni Andrew kung mahal ba ni Gillian si Mark, na hindi naman diretsahang sinagot ng dalaga. Sinabi na lang ni Gillian na magsyota na sina Mark at Trish.

Nalaman ni Mark mula kay Trish na sinabi ng kanyang ina kay Gillian na sila na ni Trish. Nagalit si Mark sa kanyang ina at inamin nito na si Gillian ang gusto niya. Nang sabihan siya ni Emma na isip-atsay, binalikan niya ang kanyang ina at sinabing kaya siya iniwan at ipinagpalit sa sekretarya ay dahil sa attitude nito.

Isang araw ay may kausap sa phone si Rose. May reunion ang kanilang batch at tuwang tuwa ito sa phone. Halatang ipinaririnig niya kay Mike na excited siya. Pagkababa ng phone ay nagkaroon ng palitan ng salita ang mag-asawa, na nauwi sa hamunan. Sabihin lang daw ni Rose kung ayaw na niya. Kung sasabihin naman daw ni Rose na ayaw na nga niya ay wala na raw magagawa si Mike.

Matapos ang diskusyon ay nag-empake na itong si Rose. Pinigilan naman siya ni Mike at nag-sorry sa mga nasabi nito. Umiiyak na pinigilan ni Mike si Rose, at sa huli ay nag-sorry din si Rose at nagka-ayos ang mag-asawa.

Paguwi naman nila Gillian at Andrew ay muling kinausap ng huli si Gillian at tinanong muli kung mahal niya si Mark. Wala naman daw panahon ang dalaga sa mga ganung bagay, at ano naman daw kay Andrew kung mahal niya si Mark. Dito inamin ni Andrew ang nararamdaman kay Gillian, sinabi niyang mahal na mahal na niya si Gillian, at kung mahal ni Gillian si Mike ay ititigil na niya ang nararamdamang iyon. Matapos sabihin ni Andrew iyon ay hinalikan niya si Gillian. Tiyempo naman dumating si Mark, at nakita niya ang dalawa na naghahalikan.

Si Jerhan Mama-o, isang Muslim, ang ika-7 na millionaire ng Kapamilya Deal or No Deal. Sa pagtatapos ng lago isang madamdaming Kris ang bahagyang naglabas ng damdamin dahil ilang linggo na lang ay matatapos na ang Kapamilya Deal or No Deal. Congratulations Jerhan!

Sa galit ni Albert kay Ysay ay pinakitaan niya ito ng progress chart ng business niya. Alanganin naman si Ysay dahil alam niyang nainsulto niya si Andrew (Albert).

Napansin naman ni Budong ang kakaibang ikinikilos ni Albert kay Ysay. Sagot naman ni Albert, kailangang mahirapan si Ysay katulad ng mga pinagdaanang hirap ni Andrew noon.

Dumalaw naman sa bahay ni Victoria ang kanyang ina. Hindi siya kilala ni Lima. Gulat at galit na pinalayas ni Victoria ang kanyang ina pagkakita dito.

Samantala ay may project sana itong si Alex, ngunit nang malaman niya na ito ay para sa Victoria’s Chicken, kaya hindi niya ito tinanggap. Nakita ni Lima sina Ysay (hindi alam ni Lima na si Alex ang napili niya para sa commecial nila) at nagulat ito.

Tinawagan kaagad ni Lima si Albert kaya pinuntahan ni Albert ang bahay nila Ysay. Nagkasagutan sila dito at nauwi sa palitan ng hindi magagandang salita. Nagulat si Ysay sa mga pagbabago na ito ni Andrew (Albert), kaya nang sinabihan sila ni Albert na “kaya walang nangyayari sa inyo” ay sinampal siya ni Ysay at sinabing “Sino ka? Hindi ikaw si Andrew”.

Nakita ni Rose si Carla habang hinahatid ito ni Gillian palabas. Naalala ni Rose na anak ni Minerva itong si Carla, kaya naman nagalit ito kay Gillian at sinabihang hindi na siya pag-aaralin.

Kinausap ni Mike si Rose tungkol sa pasya niyang ito. Masyado daw unfair si Rose at makitid na ang utak. Ganti naman ni Rose na kagagawan nila kaya naging ganoon siya. Hindi na siya magpapaloko ulit.

Matapos si Mike ay si Andrew naman ang kumausap kay Rose. Ginamitan ni Andrew ng psychology si Rose at mukhang gumana naman. Miss na daw ni Andrew ang dati niyang mommy.

Nagkaroon naman ng pagkakataon na magusap sina Andrew at Mark dahil na rin sa paghinto ni Gillian sa pag-aaral. Sinabi ni Andrew na tulungan si Gillian tutal naman daw ay girlfriend niya ito. Dito ay sinabi ni Mark na binasted siya ni Gillian.

Habang tumatagal ay lumalala ang kondisyon ni Patria. Napapansin ito ni Bernardo at pinapatigil na niya si Patria sa pagtitinda. Ngunit ayaw tumigil ni Patria dahil para daw ito sa kanyang mga anak.

Natuwa naman si Andrew dahil muling pag-aaralin ni Rose si Gillian. Tuwang tuwa ang dalawa lalo na si Gillian habang tinitignan ang kanilang mga uniporme. Natuwa din si Rose sa nakitang kasiyahan ng anak.

Isang araw ng pauwi na si Andrew mula sa eskwela ay nakita niya si Patria. Nilapitan niya ito at sinabihang huwag na silang guguluhin. Napahiya naman si Patria at nalungkot sa inasal ni Andrew.

Kinuwento ni Andrew sa kanyang ama ang pagkakita niya kay Patria nang sa biglang dumating si Rose. Iniba ni Mike ang usapan at niyaya si Andrew at si Rose sa Baguio dahil may dadalhin siyang papeles kay Emma. Isinama na rin ni Mike si Gillian para makapag-unwind silang lahat.

Excited naman si Gillian dahil hindi pa siya nakakapunta sa Baguio. Pero irita naman si Andrew dahil baka lang daw gusto niyang makita si Mark.

Sa Baguio naman ay naiwan sa bahay si Mark at Trish dahil may aasikasuhin ang mga magulang nila. Dun din mag-aaral si Trish katulad ni Mark, at hindi gusto ni Mark ang idea na iyon dahil ayaw niyang maugnay kay Trish.

Nang aalis na sila papuntang Baguio ay ayaw nang sumama ni Rose at nagdadahilang masama ang pakiramdam. Ngunit inamin na din niya kay Andrew na hindi pa siya handa upang muling makipagayos kay Mike.

Sinabi ito ni Andrew at pinayuhan ang ama na huwag nang ituloy ang pagpunta nila sa Baguio at magstay na lang sa bahay. Pumayag naman si Mike, ngunit dahil kailangan nila Emma ang papeles ay inutusan niya si Andrew na dalhin ito sa Baguio at isama na lang si Gillian.

At sa unang pagkakataon ay magkakasama sama sa iisang bubong sina Mark, Trish, Andrew at Gillian.

Inasikaso kaagad ni Andrew ang mga forms at requirements ni Gillian para makapag-enroll na ito. Natutuwa man si Gillian ay nahihiya rin siya.

Dahil naghahanap ng pwesto si Patria ng kanyang ititinda, hindi sinasadya ay nagawi ito sa eskwelahang pinapasukan nila Andrew, Mark at Gillian. Natuwa siya dahil nakita niya ulit si Andrew, at naisip niyang maaari siyang pumuwesto doon para lagi niyang makita si Andrew.

Nagkaroon naman ng pagkakataon si Mark na kausapin si Gillian sa may pool area. Hindi nila alam na nakamasid sa kanila si Andrew dahil lihim na tinitignan nito ang dalaga. Narinig niya ang pagtatapat ni Mark ng pag-ibig kay Gillian at nagselos ito. Umalis si Andrew nang hindi naririnig ang mga sinabi ni Gillian kay Mark na hindi pa iyon ang tamang oras upang magmahal siya, dahil pamilya pa rin niya ang kanyang priority.

Dumalaw naman si Carla kay Gillian. Dahil wala na itong matutuluyan (nakakulong ang kanyang inang si Minerva at may nakatira na sa tinuluyan nila noon sa Taytay) ay nakiusap siya kay Gillian na tumuloy muna doon sandali.

Kinabukasan ay halata kay Andrew ang pagseselos nang makita ang dalawa na mukhang may lakad.